Eduki nabarmenak
Txirrindularitza, arrauna eta erremontea, gaur, EITBn
EITB MEDIA
Lehen hitzordua Frantziako Tourrarekin izango da, 15:00etatik aurrera. Ondoren, Bilboko Bandera izango da jokoan, Euskotren eta Eusko Label ligen barruan. Jai Alai Summer Season Udako Erremonte Txapelketa eskainiko da gauean.
Your browser doesn’t support HTML5 video
Larunbata, 2023ko uztailak 15: Eduki nabramenak ETB1, ETB4 eta eitb.eus-en
Kirol emanaldiak ETB1en, ETB4n eta eitb.eus-en
Txirrindularitza, arrauna eta erremontea izango ditugu gaurko kirol eskaintzan.
Lehen hitzordua Frantziako Tourrarekin izango da, zehazki 14. etaparekin, Annemasse eta Morzine Les Portes du Soleil artean (152 km). ETB1en zuzenean jarraitu ahal izango da 15:00etatik aurrera, Fermin Aramendi, Xabier Usabiaga eta Pedro Mari Goikoetxearekin, "On Tour" saioan.
17:20ean iritsiko da arrauna. Bilboko Bandera jokatuko da, Euskotren eta Eusko Label ligen barruan. Zuzeneko emanaldia ETB4n hasiko da, eta ETB1era pasatuko da 18:20ean. Mikel Olazabalek, Ibon Gaztañazpik eta Eritz Hernandezek ekarriko digute estropaden emozio guztia, Bilbotik.
Azkenik, 22:00etan, Jai Alai Summer Season Udako Erremonte Txapelketako partida eskainiko da, zuzenean Hernanitik. Azpiroz-Larrañaga vs Barrenetxea IV-Juanenea norgehiagoka ikusteko aukera izango da. Iñigo Aiestaran, Elena Azpeitia eta Manuel Arrizabalaga Matxin arituko dira kontakizunean.