Eduki nabarmenak
"Chiloé: Lasterka Munduan" eta Andre Maria Zuriaren Torneoko finala, gaur ETB1 eta eitb.eus-en
EITB Media
Horrez gain, ETB2ko "La Noche De…" saioan, "A la deriva" filma izango dugu ikusgai.
Your browser doesn’t support HTML5 video
Kirolak ETB1en eta eitb.eus-en
Gaurko kirol eskaintzari dagokionez, Gasteizko Ogeta pilotalekutik, ETB Kantxa saioa 17:15ean hasiko da Elezcano II-Erostarbe eta Artola- Iztuetaren arteko lehiarekin. Ondoren, Andre Maria Zuriaren Torneoko finala jarraitu ahal izango dugu zuzen-zuzenean: Altuna III – Martija vs Peña II – Albisu. Xabier Euzkitzek, Abel Barriolak eta Ainhize Vegak egingo dute kontakizuna.
Chiloé: Lasterka Munduan - 22:25ean ETB1 eta eitb.eus-en / A las 22:25 en ETB1 y eitb.eus
Aurreko atalean Malta eta Gozo irlak ezagutu ondoren, oraingoan Jordania aldera mugituko da Zigor Iturrieta. Bertako gastronomia, azokak, dendak txikiak eta produktu exotikoak ezagutuko ditu eta Dead Sea Marathon lasterketan parte hartuko du.
La Noche De… – 22:15ean ETB2 eta eitb.eus-en / A las 22:15 en ETB2 y eitb.eus
Astearteko saioan A la deriva drama ikusi ahal izango dugu. Benetako istorio batean oinarrituta, urakanak harrapatu ondoren Ozeano Barearen erdian noraezean geratu den bikote baten istorioa kontatzen du filmak. Urakana igaro ondoren, Richard (Sam Claflin) zaurituta irtengo da, eta Tami (Shailene Woodley) agintean jarriko da, belaontzia apurtuta, janaririk gabe eta urik gabe bizirauten saiatzeko.
Hori baino lehen Dani Alvarezek zinema munduko hainbat bitxikeriaz hitz egingo digu. La pareja del verano atalean, Sam Claflinek eta Shailene Woodleyk osatutako bikotea izango dugu. Zinemako izarren artean oparirik arraroena zein izan den ere jakingo dugu. Azkenik, Viaje con nosotros atalean, Islandiara joango dira.