Audientziak
Astelehen gaueko lidergoari eusten dio "El Conquistador del Fin del Mundo 20" saioak
EITB MEDIA
Bigarren atalak % 16,9ko kuota eta 223.000 ikus-entzuleko audientzia metatua izan zuen bart Euskadin eta eragin eremuan (lineala + geroratua). Asteazken honetan berriz ere hitzordua izango dugu debatearekin, 22:30etik aurrera. Ez da faltako Chucu, aste honetako kanporatua.
Patxi Alonso eta Lur Errekondo
"El Conquistador del Fin del Mundo" saioaren 20. edizioaren bigarren atala berriz ere lider izan zen astelehen gaueko ordutegi nagusian, % 16,9ko kuotarekin eta 223.000 ikus-entzuleko audientzia metatuarekin Euskadin eta eragin eremuan (lineala + geroratua). Beste behin ere, arrakastari eta lidergori eusten dio programak, astean zehar saioak piztu duen ikusmin eta emaitza onen ildotik; izan ere, 72.000 lagunetik gora ikusi dute 20. denboraldiaren lehen atala eitb.eus-en eta EITB Nahieran-en (app eta web).
Hogei urteren ostean, Juanito eta Korta berriz ere Patagonian ditugu, dena hankaz gora jartzeko. Hori bai: talde ezberdinetako kapitainak izango dira eta, ondorioz, banandu eta aurkariak izan behar dute. Kortak gaizki hasi du abentura talde berdean, eta bere akats baten ondorioz iritsi da Condor taldeko lehen kanporatua: Chucu. Juanito ere ez da ondo hasi Puma taldekoekin, gorrien lehen izendapenagatik. Horretaz guztiaz hitz egingo dute asteazken honetan, debatean. Patxi Alonsok eta Lur Errekondok gidatuta, 22:30ean, ETB2n eta eitb.eus-en.
OHARRA: Audientzia geroratuak telebistako edukien kontsumo ez-lineala erregistratzen du zuzeneko emisioaren (lineala) hurrengo zazpi egunetan, baita emisio horren egun berean geroratutakoa ere (vosdal).