Bilbao Basket-Belgacom Spirou, zuzenean, ETB-1en eta eitb.com-en

Asteazken honetan, Bilbao Basket eta Belgacom Spirou taldeen arteko norgehiagoka eskainiko du ETB-1ek, Miribillako Bilbao Arena estadiotik zuzenean, arratsaldeko 20:30etik aurrera. Menderatua izan gabe, Eurokopako fase erregularra pasatzea bilatuko du Bilboko taldeak belgikarren kontra. Asier Aranguren, Josean Aldalur eta Jokin Etxebarriak emango dute emanaldiaren berri zuzenean, eta eitb.com-eko erabiltzaileek ere norgehiagoka zuzenean jarraitzeko aukera izango dute streaming-aren bidez.

'Gol Festa' berezia

Bestalde, Txemi Galarragak 'Gol Festa' saio berezia aurkeztuko du Errege koparen inguruan, 22:20etik aurrera ETB-1en. Saioak Athletic-Eibar taldeen arteko partidaren laburpena eskainiko du eta horrez gain, eguneko beste partiden berri ere emango du: Cordoba-Barcelona eta Mallorca-Sevilla.