Inbestidura saioa, zuzenean, ETB-2n eta eitb.com-en

Gaur, osteguna, inbestidurako osoko bilkurarekin jarraituko du Eusko Legebiltzarrak eta Euskal Telebistak eta eitb.com-ek zuzenean emango dute goizeko 09:30etik aurrera. Saioan zehar, datorren legealdirako Lehendakari berria aukeratuko da, eta aurreikuspen guztien arabera, EAJ-PNVko Iñigo Urkullu hautagaia izango da Euskadiko hurrengo Lehendakaria.

Gauean, analisirako tartea zabalduko dute Aitzol Zubizarretak gidatuko duen saio berezian, izendatu berria izan den Lehendakariak legealdi honetarako dituen erronkak eta zaitasunak aztertzeko. Horrez gain, alderdien artean lortu daitezkeen hitzarmenen inguruan ere arituko dira. Solaskideen artean, Alberto Ayala El Correo-ko zuzendariordea, Iñaki Soto Gara-ko zuzendaria, Jose Mari Gastaca El Pais-eko Euskadiko zuzendaria, Josean Izarra El Mundo-ko Euskadiko zuzendaria, Martxelo Otamendi Berria-ko zuzendaria eta Lourdes Perez El Diario Vasco-ko zuzendariordea izango dira, besteak beste.

Legealdi berriaren inguruko saio berezia 23:30ean emitituko da ETB-2n eta eitb.com-eko erabiltzaileek ere zuzenean jarraitzeko aukera izango dute streaming bitartez.