Beherapenetan
EITBko 'atsuen' balentriak, Estatuko egunkarietan
A.A.
Erredakzioa
Beherapenen lehen egunean, Bilboko merkatalgune batean izan dira Maikrux eta Maikarmen. Balentria honekin, Publico eta El Imparcial egunkarien edizio digitalaren azalera iristea lortu dute.
Atsuak merkealdietan
Maikrux eta Maikarmen, EITBko 'atsuak', gero eta ezagunagoak dira bai Euskal Herrian, baita hemendik kanpo ere. Egin duten azken 'balentria' Estatu mailako El Imparcial eta Publico egunkarien edizio digitalen orrialde nagusietara ere iritsi da.
Beherapenetako lehen egunean, atea zabaldu orduko, harrapaladan sartu dira gure atsuak Bilboko merkatalgune ezagun batera eta beherapenen albistea kubritzen ari ziren hedabideek bete betean harrapatu dituzte. El Imparcial eta Publico, bi egunkari horien edizio digitaletan, hainbat minutuz euren argazkia izan da nagusi goizean zehar.