Binakako pilota txapelketa, Zaldibarretik zuzenean ETB-1en

Ostiral honetan, Euskal Telebistako kamerek Zaldibarreko pilota jaialdiarekin bat egingo dute zuzenean, bertan jokatuko diren partiden berri emateko, 22:00etatik aurrera. Hasteko, Rico IV-Untoria eta Elezkano II-Larunbe bikoteen arteko partidak irekiko du jaialdia eta ondoren, Titin III-Merino II eta Gonzalez-Zubieta bikoteek jokatuko dute partida nagusia, binakako pilota txapelketakoa. Xabier Euzkitzek, Joxan Tolosak eta Koldo Aldalurrek egingo dute emanaldiaren gaineko kontakizuna.

ETBK Sat kateak, bestalde, Bartzelona eta Olinpiakos taldeen arteko Euroligako norgehiagoka eskainiko du zuzenean, 19:15etik aurrera. Xabier de la Fuentek eta Josean Aldalurrek emango dute partidaren berri.

eitb.com-eko erabiltzaileek bi emanaldiak zuzenean jarraitzeko aukera izango dute.