Gaur, zuzenean
Uxue Bilbao Basket-Valencia Basket, ETB-1en eta eitb.com-en
A.A.
EITB
Bestalde, ETBKn 'Tribuna Gol' saio berezia egongo da Errege Kopako partiden laburpenekin.
Your browser doesn’t support HTML5 video
Uxue Bilbao Basket eta Valencia Basket taldeek asteazkenean jokatuko duten saskibaloi partida zuzenean eskainiko dute ETB-1ek eta eitb.com-ek. Emanaldia 20:30ean hasiko da eta Asier Arangurenek gidatuko du, Josean Aldalur aditua lagun duela. Jokin Etxebarriak protagonisten hitzak bilduko ditu.
'Tribuna Gol' berezia ETBKn
Bestalde, Errege Kopako final laurdenetako jardunaldiaren karietara, 'Tribuna Gol' saio berezia gidatuko du Txemi Galarragak ETBKn 23:00etatik aurrera. Valentzia-Real Madril eta Sevilla-Zaragoza partiden laburpenak eskainiko dituzte hain zuzen ere.
ETBKren kirol eskaintzan, nabarmentzeko beste hiru emanaldi ditugu: 19:00etan, Euskaltel Euskadi txirrindularitza taldea Mediterraneo aldean egiten ari den prestaketaren inguruko erreportajea, Fermin Aramendik egindakoa; 22:30ean, Jon Redondo Eusko Jaurlaritzako Gazteria eta Kirol zuzendariari elkarrizketa 'La Entrevista' saioan. Kargua hartu berritan, datozen urteetarako dituzten egitasmoen inguruan galdetuko dio Jose Ituartek.
Azkenik, 23:30ean herri kirolen tartean zabalduko dute, hilaren 19an Aian jokatutako Euskadiko Idi Proba Txapelketaren berri emateko. Koldo Aldalur arituko da esatari lanetan.