Gaur
Cajasol-Caja Laboral, zuzenean, ETB-1en eta eitb.com-en
A.A.
EITB
Horrez gain, Real Union-Alaves, Triman Navarra-Bartzelona, pala mundiala eta Aretako Sariko finalak.
ETB-1ek eta eitb.com-ek zuzeneko bi kirol emanaldi dakartzate gaur: Bigarren B Mailako Real Union-Alaves partida 17:00etan eta Endesa Ligako Cajasol-Caja Laboral 19:00etan. Futbol emankizuna Xabier Anduezak, Juanan Larrañagak eta Joseba Urkiolak gidatuko dute; saskibaloikoa, berriz, Asier Arangurenek eta Josean Aldalurrek.
Horrez gain, 20:55ean ikusgai izango den 'Gol Festa' saioan futbol jardunaldiari erreparatuko diote, Realak Celtaren aurka Balaidosen jokatutako partidari arreta berezia eskainiz.
Areto futbola, pala eta afizionatu mailako pilota ETBKn
ETBKn hiru kirol emanaldi nabarmenduko dira: 12:30ean afizionatu mailako pilotari tartea egingo diote, Aretako Sariko finalak eskaintzeko. Iñigo Aiestaranek egingo du kontakizuna.
17:30ean, areto futboleko Triman Navarra-Bartzelona partidaren berri emango dute Xabier Anduezak eta Juanma Ordozgoitik. Eta 22:30ean, Munduko Pala Txapelketako Oiartzabal-Ibargarai / Gaubeka-Aierbe partidaren ingurukoak ekarrik dizkigute Iñigo Aiestaranek eta Koldo Larrinagak.