ETBk %14ko audientzia izan du urtarrilean

Sasoitsu hasi du hilabetea ETBk. Telebista kate multzoak %14ko audientzia eskuratu du urtarrilean. ETB-2k %10,7ko emaitza lortu du; bigarren katea izan da Euskadin, TVEren La 1ren atzetik. 2009n zituen datuen parean jarri da ETB-2. 2010eko martxotik hona bere emaitzarik altuena da. Horrez gain, %2,2ko emaitza du ETB-1ek, abendukoari eutsiz; %0,7 ETB-3k, eta 0,3% ETBK Sat-ek.

Urteko hastapen honetan, 'Teleberri'k lider postua sendotu du, %18ko datua lortuz. Horrez gain, 'El Conquistador del Fin del Mundo' saioak %22,1eko audientzia du bataz beste eta igandero saiorik ikusiena da.

'Euskadi Directo'ren marka

Errekor hilabetea izan da 'Euskadi Directo'rentzat: inoizko hilabeterik ikusiena izan da. EAEn eta eragin esparruan bataz beste 93.000 lagunek ikusi dute saioa eta 172.000ko audientzia metatua izan du.

ETB-1en, kirol eta Danborradaren gisako emankizun bereziez gainera, euskaldun artean oihartzun gehien izan duten saioak 'Goenkale' (%12,5 eta 76.000 ikus-entzuleko audientzia metatua) eta 'Kontuz, Atsuak!' (%6,8 eta 122.000 ikus-entzuleko audientzia metatua).

'Gracias, Petrov!'ek harrera hona

ETB-2n bart estreinatu zen 'Gracias, Petrov' dokumental sortak %11,2ko audientzia izan zuen eta 111.000 ikus-entzule, bataz beste. Halaber, 300.000 lagunek egin zuten bat, azken hiru hamarkadetako historia errepasatzen duen saioaren lehen atalarekin.