Gaur
Athletic B-Osasuna B, zuzenean, ETB-1en eta eitb.com-en
A.A.
EITB
Areto futbolak, erremonteak eta palak osatuko dute ETBKren kirol eskaintza.
Athletic B-Osasuna B, zuzenean, ETB-1en eta eitb.com-en
Bigarren B Mailako Athletic B-Osasuna B neurketa zuzenean eskainiko dute gaur ETB-1ek eta eitb.com-ek. 17:00etan hasiko den emanaldia Xabier Anduezak gidatuko du, Juanan Larrañagaren eta Joseba Urkiolaren laguntzaz.
Bestalde, futbol jardunaldiaren errepasoa egingo du Txemi Galarragak 21:00etan ikusgai izango den 'Gol Festa' saioan.
Areto futbola, erremontea eta pala ETBKn
ETBKn hiru kirol emanaldi nabarmenduko ditugu:
17:30ean areto Barcelona Alusport-Santiago Futsal areto futbol partidaren berri emango dute Xabier Anduezak eta Juanma Ordozgoitik.
20:30ean, Hernaniko Galarreta pilotalekuan joan den ostegunean ospatutako Urrezko Erremontea 2012 Galaren ingurukoak ekarriko dizkigute Iñigo Aiestaranek eta Iñaki Agirrezabala Matxin-ek.
Eta 22:25ean Munduko Pala Txapelketako Garcia-Imanol / Altadill-Lujan norgehiagoka izango da ikusgai. Iñigo Aiestaranekin batera Koldo Larrinaga arituko da esatari lanetan.