392.000 jarraitzaile, istripu eta guzti izan zuen 'El Conquis'entzat

'El Conquistador del Fin del Mundo'ren bosgarren atala lider izan zen atzo bere ordutegian: %20,1eko audientzia izan zuen, eta, bataz beste, 185.000 ikus-entzule EAEn eta eragin esparruan. Horrez gain, 392.000 lagunek egin zuten bat saioarekin uneren batean. Atzo, Olga zauritu egin zen Inmunitate jokoan ari zela eta etxerako bidea hartu zuen.

Bestalde, ETB-1en, Titin III-Merino II eta Berasaluze VIII-Albisuren arteko Txapelketako pilota partida emanaldirik ikusiena izan zen bere ordutegian. Partidak %13,6ko audientzia izan zuen, euskaldunen artean %23,9koa. Halaber, 217.000 ikus-entzuleko audientzia metatua izan zuen. Aritz Lasa-Merino I / Idoate-Peñagarikano atariko neurketa ere euskaldunen artean lider izan zen %20,5eko audientziarekin.