21:30ean
'Kontuz, Atsuak!' inauteri giroan murgilduko da gaur gauean
A.H.
EITB
Maikrux eta Marikarmen Nafarroako Inauteriak ezagutzera joango dira R12an.
Your browser doesn’t support HTML5 video
Gaur gauean, 'Kontuz, Atsuak!' saioan, Maikrux eta Marikarmen inauteri giroan murgilduko dira. Lehenik eta behin, Nafarroako inauteriak ezagutzera joango dira R12a hartuta, eta gorabehera iskanbilatsuak izango dituzte zanpantzar eta mozorrotuen artean. Beraietaz mozorrotutako beste bi atsorekin ere ederki pasatzeko aukera izango dute gainera.
Takolo pailazo zenaren Zaldibiko Jaiak mozorro-denda erraldoian izango dira, inauteriak behar bezala prestatu eta hainbat mozorro ikusiaz. Eta, noski, Pello Zabalari bisita egingo diote. Frantziskotarra mozorrotzeko asmoa dute bi atsuek.
Amaitzeko, Tolosan izango dira Inauteri igandean, hango giro ederraren berri emanaz. Gainera, eguerdian, atsuez mozorrotutako jendearekin elkartu eta onena zein den ikusteko Casting- Elkarretaratzea prestatu dute.
'Kontuz, Atsuak!' gaur gauean emitituko da 21:30etik aurrera ETB-1en.