Kerobia taldearen disko berria ezagutuko du 'EITB Kultura'k asteon

Musika izango dute abiapuntu aste honetako 'EITB Kultura' saioan, Supernova Kerobia taldearen disko berriarekin. Diziplina anitzeko lana osatu dute nafarrek, musika arte plastikoekin, ilustrazioekin eta ikus-entzunezkoekin uztartuz. Julen Iztueta, Maite Gurrutxaga eta Carles Garcia izan dituzte bidelagun.

Ramon Lazkano konpositoreak ere lan berria du eskuartean: Laboratorio de tizas. Jorge Oteizaren 'Laborategi esperimentala' oinarri hartuta osatu duen musika bilduma ezagutzeko parada izango dugu.

Hurrengo protagonista, datorren ostiralean zine aretoetan estreinatuko den Blackie & Kanuto animazio-filma dugu. Baleuko etxeak ekoiztu duen abentura komedia honetako protagonistak Blackie ardia eta Kanuto txakurra dira. Ilargira bidaia eta ametsak beteko irria ditu ardatz.

Azkenik, Gasteizko Artium museoan sartu-irtena egingo dute, Katarina Zdjelar artista serbiarraren 'Of more than one voice' erakusketa ezagutzeko. Ahotsen inguruko hausnarketara dakarkigu.

'EITB Kultura' astelehen gauean dago ikusgai ETB-1en eta ETB-2n, eta ostiral gauean ETB-3n.