Gaur
Titin III-Merino II / Irujo-Zabaleta, ETB-1en eta eitb.com-en
A.A.
EITB
Horrez gain, Bera Beraren Errekopako partida eta Iñaxio Perureraren errekor saiakera.
Your browser doesn’t support HTML5 video
Gaurko kirol eskaintzan Bibitako Txapelketako partida nabarmendu dezakegu, bostetatik aurrera, ETB-1en eta eitb.com-en. Titin III-Merino II eta Irujo-Zabaleta izango dira nor baino nor gehiago, eta euren aurretik, Apezetxea-Larrinaga eta Gorka-Cecilio. Xabier Euzkitze, Joxan Tolosa eta Elena Azpeitia izango dira berriemaile Logroñotik zuzenean.
Bestalde, eguerdian, Leitzan, Iñaxi Perurenak 300 kiloko harriarekin egingo duen errekor saiakera ere zuzenean eskainiko dute ETB-1ek eta eitb.com-ek. Eguerdiko 13:00etan hasiko da emankizuna, Iñigo Aiestaranek gidatuta. Juan Jose Unanue Goenatxo izango du lagun.
16:00etan, beste herri kirol emankizuna izango da ETB-1en: goizean Mendaron jokatutako aizkolarien Eusko Label Saria. Koldo Aldalurrek eta Joxe Etxebestek egingo dute kontakizuna.
Eskubaloia eta errugbia ETBKn
12:30etik aurrera, Bera Berak Vistal Laczpol Gdynia taldearen aurka jokatuko duen Errekopako partida izango da ikusgai ETBKn eta eitb.com-en, Jon Ander Gorospe eta Juan Inazio Altuberen eskutik.
15:30ean, Jon Ander Gorospek berak, bezperan jokatutako Getxo Artea-Hernani errugbi neurketaren ingurukoak bilduko ditu ETBKn.