Bartzelona-Caja Laboral, zuzenean ETB-1en eta eitb.com-en

Gaur Caja Laboral taldeak Bartzelona Regal taldearen kontra jokatuko du, Euroligako Top 16 fasea amaitzeko hiru jardunaldi gelditzen direnean. Gasteizeko taldeak garaipena lortu behar du Bartzelonan, txapelketa kontinentalaren final-laurdenetan sailkatzeko aukera izan nahi ezkero. Izan ere, azkeneko hamaika jardunalditan sei garaipen lortu ditu Baskoniak eta beste lau taldeen kontra borrokatu beharko du, sailkapenean geratzen diren hiru tokietako bat lortzeko. Euskal Telebistak ez du partida garrantzitsu hau galdu nahi, eta zuzenean bat egingo du Bartzelonako Palau Blaugranarekin 20:35etik aurrera. Xabier de la Fuentek eta Josean Aldalurrek egingo dute partidaren gaineko kontakizuna, eta emanaldia zuzenean jarraitzeko aukera izango dute eitb.com-eko erabiltzaileek ere, streaming-aren bitartez.

Kataluniako Voltaren laugarren etapa zuzenean

Horrez gain, ETB-1ek Katalunaiko Voltaren laugarren etaparekin bat egingo du zuzenean 15:30etik aurrera. Etapak 217 kilometroko ibilbidea izango du, Lannras eta Port Ainé herrien artean, eta Alfontso Arroiok eta Xabier Usabiagak egingo dute kontakizuna.