Gaur
Olaizola II-I. Zabala / Ezkurdia-Zubieta, ETB-1en eta eitb.com-en
A.E.
EiTB
Horrez gain, Assignia Manresa-Uxue Bilbao Basket saskibaloi partida, Kataluniako Volta eta Gent-Wevelgem klasika.
Igandero legez, arratsaldeko bostetan hasiko da pilota emankizuna ETB-1en. Txapelketako partidan Olaizola II-I. Zabala eta Ezkurdia-Zubieta izango dira nor baino nor gehiago. Aurretik, Sebastien Gonzalez eta Julen Retegi ariko dira buruz buru eta, ondoren, Promozio Txapelketako neurketa jokatuko da: Apezetxea-Peñagarikano / Elezkano II-Larunbe. Xabier Euzkitzek, Joxan Tolosak eta Elena Azpeitiak egingo dute kontakizuna.
Eguerdiko 12etan, Endesa Ligako Assignia Manresa-Uxue Bilbao Basket partida izango da ikusgai, Asier Arangurenen eta Josean Aldalurren eskutik. Eta 15:30ean, berriz, Kataluniako Voltako azken etapa, El Vendrell eta Bartzelona artean. Emanaldi honen ingurukoak Alfontso Arroiok eta Xabier Usabiagak ekarriko dizkigute.
Azkenik, 17:00etan, ETBKn, Gent-Wevelgem klasikan gertatukoak kontatuko ditu Fermin Aramendik Jon Izagirreren laguntzaz.
Kirol emanaldi guztiak streaming-aren bidez zuzenean jarraitu ahal izango dira eitb.com-en.