'Jose Mendiaga' pastorala ikusgai, ETB-1en, ostegunean

'Jose Mendiaga' pastorala eskainiko du ostegunean ETB-1ek, 15:00etan.  'Jose Mendiaga' Pastorala Arrokiagan eman zuten, 2012ko uztailaren 29an eta abuztuaren 5ean. Testua Johañe Bordaxar idazle eta kantariak sortu zuen, 2011. urterako 'Monzon' pastorala moldatu zuen berak

Urtero bezala, EiTBko Euskara Sailak Zuberoan emandako azken pastoraleko testuaren transkripzioa eta euskara baturako egokitzapena egin ditu eta eitb.comen daude ikusgai.

Jose Mendiaga pastorala Arrokiagan eman zuten, 2012ko uztailaren 29an eta abuztuaren 5ean. Testua Johañe Bordaxar zuberotar idazle eta kantariak sortu zuen, 2011. urterako Monzon pastorala moldatu zuen berak.

Antzezlanaren abiapuntua XIX. mendeko azken hamarkadetako egoera ekonomiko latza da. Urte gogor haietan, Euskal Herriko gazte askok jaioterria utzi, eta Ameriketara emigratu behar izan zuten, bizimodua aurrera ateratzeko. Gazte haietako bat Jose Mendiaga zuberotar koblakari eta poeta izan zen.

Mendiaga Argentinan eta Uruguain bizi izan zen, eta, Ameriketatik inoiz itzuli ez zen arren, abertzale handia izan zen, Euskal Herriari ezinago atxikia.