Nafarroako Finalari errepasoa Xabier Silveirarekin gaur 'HH'n

Xabier Silveirak zazpigarrenez irabazi du Nafarroako Bertsolari Txapelketa. Jon Artanok Sarrigurenera egin dio bisita Silveirari, han bizi baita Lesakako bertsolaria. Sarrigurenen bertan, eta Badoztainen gero, makina bat konturi buruz solastu dira Silveira eta Artano: Nafarroako finalaz, bertsolaritzaz oro har, aldaketa pertsonalez, gizarte eta politika kontuez, etorkizunaz?

Elkarrizketaz gain, Anaitasunako finaleko bertsoaldi onenak emango dituzte, baita gainontzeko finalistek beroan, saioa amaitu berritan, esandakoak ere.

'Hitzetik Hortzera' gaur gauean emitituko da 21:00etik aurrera ETB-1en