Gaur
Euskal Herriko Itzuliko 3. etapa, zuzenean, ETB-1en eta eitb.com-en
A.A.
EITB
Ondoren, Eskaldako Sari Nagusia izango da ikusgai.
Euskal Herriko Itzulia. Argazkia: Efe.
Euskal Herriko Itzuliko 3. etaparen zuzeneko emanaldia, Gasteiz eta Trapagaran artean, 14:50ean hasiko da ETB-1en eta eitb.com-en. Fermin Aramendik egingo ditu esatari lanak Xabier Usabiaga aditua lagun duela. Alfontso Arroiok, berriz, errepidetik bertatik egingo du kontaketa.
Ondoren, Scheldeprij izenez ezaguna den Eskaldako Sari Nagusiaren berri emango du Pedro Mari Goikoetxeak Mikel Astarlozarekin batera.
Aimar Irigoyen ETBKn
Bestalde, Jose Ituartek Aimar Irigoyen harrijasotzailea elkarrizketatuko du 'La Entrevista' saioan, 22:30ean, ETBKn. Ume umetan hasita ibilbidearen errepasoa egingo du errezildarrak eta etorkizunerako dituen erronkez ere mintzatuko da.