Arantza, Korta eta ezusteko bisitariak, 'El Conquis 2013' saioan

Patxi Alontsok Arantza elkarrizketatuko du "El Conquis 2013" saioan. Erizain gasteiztarra joan den igandean kanporatu zuten "El Conquistador del Fin del Mundo" saiotik. Puma taldearen egoera latza eta Blanca Fernandez Ochoaren kapitain lana aztertuko ditu Arantzak. Kapitaina kritikatu zuen gasteiztarrak etxera itzuli aurretik.

Gainera, Condor eta Puma taldeen kanpamentuetan gori gorian dauden gaiez ere arituko dira saioan. Gokuk eta Chrisek Naty saldu egin zuten immunitatea emanda? Gokuren eta Chrisen taldekide ohiak abenturatik alde egin nahi zuen, baina immunitatea zuenez ezin izan zuen duelura joan. Juanito Oiarzabalek bere taldekide berriak kritikatu zituen horregatik.

Bestalde, astero bezala, hurrengo ataleko aurrerapenak eskainiko dituzte. Guanaco taldeko lehiakide ohiek talde berrietan duten egoera zein den ikusiko dugu. Bestetik, Immunitate joko berriaren nondik norakoen berri izango dugu: rodeo bat egingo dute.

Patxi Alonsok aurkezten duen saioan izango da solasean Jose Luis Korta. Gokuren jokaera eta Blanca Fernandez Ochoaren kapitain lanak aztertuko ditu kapitain ohiak. Manu Maritxalar, Mikel Goñi, David Seco eta Oiane izango ditu Kortak solaskide. Gainera, Patxi Alonsok zenbait ezusteko emango ditu asteazkeneko saioan.

"El Conquis 2013" Hostoilek ETBrentzat ekoitzitako saioa da eta asteazkenetan, 22:30ean emititzen dute, "Teleberri"ren ostean, Euskal Telebistaren bigarren katean.