Gaur goizean
Uxue Barkosekin elkarrizketa, 'Egun On Euskadi' eta 'ETB Hoy' saioetan
A.H.
EITB
Vanessa Sanchezek, bere aldetik, Goiener kooperatibako Eduardo Urturi elkarrizketatuko du, energia berriztagarriak hizpide hartuta, ETB-2n.
Uxue Barkos
Estepan Aldamiz-Etxebarriak Uxue Barkos Nafarroa Bai alderdiko diputatua elkarrizketatuko du gaur 'Egun On Euskadi' albistegian eta egun eguneko egoera politikoaren gaineko hausnarketa sakona egingo du. Solas mahaiak eta albistegiak osatuko dute saioa goizeko 08:00etan hasita ETB-1en.
'ETB Hoy', ETB-2n
Euskal Telebistako bigarren kateko albistegian ere Uxue Barkos Nafarroa Baiko diputatua izango du gonbidatu Olaia Urtiagak.
Ondoren, Vanessa Sanchezek Eduardo Urturi, Goiener energia berriztagarrien sorkuntza eta erosle kooperatibako koordinatzaile nagusia izango du gonbidatu. Energia berriztagarriez arituko dira eta Euskadik dituen energia erronkak zehaztuko dituzte.
Elkarrizketa tarteen ondoren, Adela Gonzalezek aktualitatearen inguruko solasaldia gidatuko du 'ETB Hoy' saioan. Javier Vizcaino, Eva Domaica, Fermin Munarriz eta Maria Luisa Garcia Franco izango ditu gonbidatu.
'ETB Hoy' 11:15ean hasiko da ETB-2n.