EiTB Kultura
Eñaut Elorrieta, 'EiTB Kultura'n
A.E.
EiTB
Horrez gainera, Ertibil Bizkaiaz, Matxalen Bilbaoren 'Self' koreografiaz eta Eszena Sortzaileen Jaialdiaren X. edizioaz ere arituko dira.
Eñaut Elorrietak deserriaren inguruko abestiak idatzi ditu. Ken Zazpiko kantariak bakarkako ibilbideari ekin dio Deserriko kantak lanarekin. Bere esperientziaren berri emango du 'EiTB Kultura'n.
Horrez gain, Ertibil Bizkaia arte plastikoen erakusketa ibiltariak egindako aukera ezagutuko dute aste honetan. Bilboko Errekalde 20.ean dagoen aretoan ekin dio bidaiari erakusketak. Estilo ezberdineko 20 piezaz dago osatua erakusketa.
Matxalen Bilbao koreografa bizkaitarrak Self estreinatuko du. Robert Jackson dantzariarekin agertuko da lehendabizikoz eszenatoki gainean Bilbao.
Horrez gain, Nazioarteko Sortzaile Berrien Antzerkialdiaren 10. edizioaz arituko dira. Joera modernoko 21 proposamen izango dituzte hizpide eta horietatik 11 lehiaketan aurkeztuko dituzte.
'EiTB Kultura' gaur dago ikusgai ETB1en eta ETB2n, eta ostiral gauez ETB3n.