Kirolak
Suitzako Itzulia, ETB1en eta eitb.com-en
A.A.
EiTB
Fermin Aramendik eta Xabier Usabiagak egingo dute zuzeneko kontakizuna egunero.
Suitzako Itzulia zuzenean emango dute ETB1ek eta eitb.com-ek larunbatetik aurrera. 77. edizioko bederatzi etapen zuzeneko kontakizuna egingo dute Fermin Aramendik eta Xabier Usabiagak arratsaldero. Lehen etapa 8,1 kilometroko erlojupekoa izango da, Quinton jokatuko dena, eta 15:15etik aurrera izango da ikusgai.
Jarraian, Zarauzko Triatloia izango da ikusgai ETB1en eta eitb.com-en. Anartz Agirrek emango du haren berri Etor Mendia adituaren laguntzaz.
ETBKn, pilotarekin lotutako bi hitzordu ditugu. 20:30ean, Palako Nazioarteko Irekiko partida: Altadill-Lujan / Laskoiti-Ibargarai; 22:30ean, Buruz Buruko Txapelketako bigarren finalerdia: Olaizola II-Urrutikoetxea. Iñigo Aiestaranek egingo du palaren kontakizuna, eta Juanan Legorburuk eta Koldo Aldalurrek esku pilotarena.