Gaur goizean
Laura Mintegirekin elkarrizketa, 'Egun On Euskadi'n eta 'ETB Hoy'n
Permakultura deritzonaz ere mintzatuko dira ETB2ko albistegian.
Laura Mintegi hartuko dute gonbidatu gaur 'Egun On Euskadi' eta 'ETB Hoy' albistegietan. EH Bilduko Legebiltzarkideak Estepan Aldamiz-Etxebarriaren galderak erantzungo ditu 8etan ETB1en eta Olaia Urtiagarenak 11:30etik aurrera ETB2n. Bestalde, elkarrizketan esandakoak eta aktualitateak dakartzan beste hainbat kontuz mintzatzera bilduko dira 'Egun On Euskadi'ko mahaira Laura Mintegi bera eta Iñaki Galdos eta Felix Iriarte kolaboratzaileak.
'ETB Hoy' saioan bestelako gaiak ere jorratzen dituzte, Vanessa Sanchezek aurkezten duen tartean. Asteartean permakultura deritzonaz mintzatuko da Pedro Ferrero Kiribilore elkarteko kidearekin.
Azkenik, Adela Gonzalezek gidatzen duen solas-mahaian Victor Goñik, Enrique Aguirrezabalek, David Pejenautek eta Iñaki Lezamak hartuko dute parte.