Kirolak
Caixa Bandera, zuzenean, larunbatean, ETB1en
A.A.
EiTB
Gazte mailako Kopako finala, Athletic-Real Madril, ere zuzenean emango da.
Hondarribia arraun elkartea
San Miguel Ligako Caixa Bandera zuzenean emitituko du ETB1ek eta www.eitb.com atariak, 18:00etan hasita. Mikel Olazabalek egingo du kontakizuna Ibon Gaztañazpi lagun duela, eta Amane Ibañezek egingo ditu elkarrizketak.
20:00etan, gazte mailako futbolari egingo diote tartea ETB1en: Athleticek eta Real Madrilek jokatuko duten Kopako finalaren kontakizuna egingo du Valentin Elgezabalek.
Bestalde, ETBKn, 19:25ean, paddle surf kirol modalitateko erreportajea izango da ikusgai. Bilbao World Sup Challenge Sariaren laburpena, Jon Ander Gorosperen eskutik.
Eta 20:30ean, palako Nazioarteko Irekiko ¾ posturako partidaren berri emango dute Iñigo Aiestaranek eta Mikel Aierbek. Fusto-Garma eta Garcia-Imanol izango dira nor baino nor.