Kirol eskaintza
Donostiako zaldi lasterketen denboraldia, ETBKn
A.A.
EiTB
Asteburuko jardunaldiaren laburpena eskainiko dute.
Donostiako hipodromoa
Euskal Telebistak asteburuan Donostiako hipodromoan jazotakoaren laburpena eskainiko du astelehen honetan. ETBKn ikusi ahal izango da laburpena, arratsaldeko zazpiak aldera, Imanol Arrutiren eskutik.
Donostiako zaldi lasterketen denboraldia irailaren 13ra bitartean luzatuko da, eta 12 jardunaldi jokatuko dira Donostiako hipodromoan. Horietako bost zuzenean emango dira eta beste zazpien laburpena eskainiko da, guztiak ere ETBKn.
Zuzenean emango diren bost jardunaldietako proba nagusiak hauek dira: El Diario Vasco (uztailak 15), EiTB (uztailak 29), Kutxa (abuztuak 12) eta Casino Kursaal (abuztuak 26) sariak, eta Urrezko Kopa (abuztuak 15). Imanol Arrutik egingo du kontakizuna Joanes Urrestarazu adituaren laguntzaz.