Zeledonen Jaitsieran izandako arazo teknikoak

EiTBk barkamena eskatu nahi du Zeledonen Jaitsieran izandako arazo teknikoengatik. Minutu bat baino gehiago iraun zuen argi mozketa izan zen, eta hainbat soinu arazo gertatu ziren audio seinaleen nahasketa okerragatik.

Andre Maria Zuriaren jaiek herritarrengan sortzen duten interesaren jakitun da EiTB; Zeledonen Jaitsieraren ETB2ko emanaldiak izandako audientzia datua, %14ko sharea, horren erakusle da. Ildo horri jarraituz, ETB Gasteizko jaien jarraipen zabala ari da egiten, ETB1en gaueko saio bereziekin eta ETB2n ‘Sin Ir Más Lejos’ saioko erreportajeekin.