Kirol emanaldia
Zarauzko ikurrinaren lehenengo jardunaldia, ETB1en eta eitb.com-en
A.H.
EITB
Horrez gain, bezperan jokatutako Donostiako pala saria eskainiko du ETBK kateak.
Your browser doesn’t support HTML5 video
Larunbat honetan, Zarauzko ikurrinaren lehenengo jardunaldia eskainiko dute ETB1ek eta eitb.com-ek, zuzenean, arratsaldeko 18:00etaitk aurrera. Hasteko, Euskotren Ligako emakumezkoen norgehiagoka eskainiko da, eta ondoren, San Miguel ligako estropaden arteko lehia izango da ikusgai. Mikel Olazabal eta Ibon Gaztañazpi izango dira zuzeneko emanaldiaren arduradun, eta Amane Ibañezek egingo ditu protagonisten elkarrizketak.
Estropaden emanaldiaren aurretik, Aizkolarien Donostiako Urrezko koparen emanaldia eskainiko da, Koldo Aldalur eta Jose Etxebesteren eskutik.
Donostiako Pala finala ETBKn
ETBK Sat kateak bere aldetik, bezperan jokatutako Donostiako pala saria eskainiko du. 14:30ean, Garcia- Imanol eta Altadill- Ibargarai bikoteen arteko partida eskainiko da, txapelketaren hirugarren eta laugarren postuak izango dituzte jokoan. Arratsaldeko 20:30ean ordea, Fusto- Ayerbe eta Gaubeka- Lujan bikoteek jokatutako finala eskainiko da. Iñigo Aiestaran eta Iñigo Oiartzabalek egingo dute partiden gaineko kontakizuna