Estreinaldia
Eman zure eraikin gustukoenaren aldeko botoa!
Africa baetak aurkeztutako 'Tu edificio Favorito' saioaren estreinaldian Iberdrola dorrea, Donostuako udaletxea eta Orreagako kolegiata ezagutu genituen.
Igandean estreinatu zen Africa baetak aurkeztutako 'Tu edificio favorito' saioa. Lehen atalean, Itziar Atienza aktorean, Bilboko Iberdrola dorrearen sekretuak erakutsi zizkigun; Martin Berasategui sukaldariak Donostiako udaletxera eraman gintuen; eta David Barbero kazetari eta idazleak Orreagako kolegiatan murgildu gintuen.
Hiru eraikin hauetatik zein duzu gustukoen? Eman botoa saioaren atarian. Larunbat gauera arte bozka dezakezu.
Astero, hiru monumenturen edo eraikinen txoko eta sekretu guztiak erakutsiko ditu saioak. Euskal arkitekturako hiru harribitxi aurkeztuko dituzte astero hiru lagun ezagunek.
Zortzi astetan zehar, ikus-entzuleek aurkeztu diren eraikin artean aukeratu beharko dute, eta euren botoa eman. Izan ere, publikoaren iritzia, guztiz erabakigarria izango da Final Handira igaroko diren zortzi eraikinak aukeratzeko. Finala zuzenean emango da eta ikus-entzuleek bertan erabaki beharko dute zein den Euskal Herriko eraikinik onena.
Gromaz etxeak ETBrentzako egindako saioa da 'Tu Edificio Favorito', eta gure lurraldeko arkitektura esanguratsuena gertutik ezagutzeko modu berria da. Adituek, gonbidatu ezagunak lagunduko dituzte euren erakusketetan, eraikuntza bakoitzaren datu eta bitxikeri interesgarrien berri emanez.