Elkarrizketak
Aieteko Konferentzia hizpide, 'ETB Hoy'n
A.H.
EITB
Nazioarteko Konferentziaren bigarren urteurrenean, saio berezia izango da ETB2n.
Aiete
Aieteko Nazioarteko Bake Konferentziaren bigarren urteurrena bete den egunean, 'ETB Hoy' albistegian zuzeneko konexioak eta elkarrizketak egingo dituzte eguneko protagonistekin. ETB2n, Gorka Espiau eta Manuela Carmena elkarrizketatuko dituzte. Besteak beste, Euskal Herrian gatazkaren konponbidea sustatzeko egin zuten konferentzia hark izan zituen ondorioak eta, oraindik ere, aurretik gelditzen den bideaz arituko dira bertan.
Leo Harlem umoristarekin, 'Entrada Libre'n
'Entrada Libre' Vanessa Sanchezek gidatzen duen saioko protagonista Leo Harlem umorista izango da. Umorea egiteko eta sortzeko moduaz mintzatuko dira.