Gaur
2. Mailako futbola, Endesa Liga eta 4 ½-koa, ETBn eta eitb.com-en
A.A.
EiTB
Amorebieta-Athletic B, Eibar-Mallorca, Blancos R. Valladolid-Bilbao Basket eta Olaizola II-Saralegi partidak eskainiko ditu ETBk. Gainera, eitb.com-en zuzenean ikusteko aukera izango da.
Futbol, saskibaloi eta pilota emanaldiak eskainiko ditu ETB1ek gaur, baita Espanyol-Real Sociedad partidaren laburpena ere.
Bigarren B Mailako futbolarekin hasiko dira, Amorebieta-Athletic B, 16:00etan. Mikel Ibargoienek egingo du kontakizuna Juanan Larrañagarekin batera. Ondoren, Bigarren A Mailako Eibar-Mallorca izango da ikusgai. Esatari lanetan, Naxari Altuna, Juanan Larrañaga eta Joseba Urkiola arituko dira.
Saskibaloia izango da hurrengo hitzordua: Endesa Ligako Blancos R. Valladolid-Bilbao Basket neurketa. Xabier de la Fuentek eta Josean Aldalurrek emango dute berri 20:15etik aurrera.
Hiru emanaldiak zuzenean jarraitu ahal izango dira eitb.com-en.
Amaitzeko, 23:50ean, futbol jardunaldiaren errepasoa egingo du Jon Elortzak "Gol Festa" saioan, Espanyol-Real Sociedad partidari arreta berezia eskainiz.
Lau t'erdiko finalerdia ETBKn
00:50ean, ETBKn, Aimar Olaizolak eta Ekaitz Saralegik Iruñeko Labriten jokatutako 4 ½-ko finalerdia jarraitzeko aukera izango dute ikus-entzuleek, Juanan Legorbururen eta Iñigo Aiestaranen eskutik.