Gaur gauean
Laboral Kutxa-Lietuvos Ritas, zuzenean, ETB1en eta eitb.com-en
A.A.
EiTB
Arratsaldeko pilota emankizunean Gorka-Peñagarikano / Jaka-Rezusta eta Jaunarena-Zabaleta / Ezkurdia-Merino II partidak emango dira.
Saskibaloiko Euroligako zortzigarren jardunaldiari dagokion Laboral Kutxa-Lietuvos Ritas partida zuzenean emango dute ETB1ek eta eitb.com-ek gaur, 20:30etik aurrera.
Horren aurretik, arratsaldeko bostetan, pilota emankizuna egingo da Eibartik zuzenean. Gorka-Peñagarikano / Jaka-Rezusta eta Jaunarena-Zabaleta / Ezkurdia-Merino II partidak jokatuko dira. 'ETB Kantxa' saioa ere ETB1en eta eitb.com-en jarraitu ahal izango da.
Amaitzeko, lauretan herri kirolen tartea zabalduko dute ETB1en, Arbizun jokatutako Munduko aizkolari txapelketaren berri emateko. Nagusien arteko lehia eskainiko da, hain zuzen ere.