Gaur iluntzean
Bilbao Basket-EWE Baskets Oldenburg, zuzenean, ETB1en eta eitb.com-en
A.H.
EITB
Partida erabakigarria 20:30etik aurrera eskainiko dute ETB1ek eta eitb.com-ek zuzenean. ETB1ek, gainera, Realaren eta Algecirasen arteko Errege Kopako partidaren laburpena eskainiko du.
Your browser doesn’t support HTML5 video
Asteazken honetan, Bilbao Basket eta EWE Baskets Oldenburg taldeen arteko norgehiagoka eskainiko dute ETB1ek eta eitb.com-ek. Eurokopako lehenengo fasearen azkeneko partida da Miribillan jokatuko den norgehiagoka erabakigarria. Izan ere, Rafa Pueyoren mutilek talde alemaniarrari irabazi beharko diote txapelketa honetan jarraitzeko.
Asier Aranguren, Josean Aldalur eta Jokin Etxeberria esatariek egingo dute partidaren gaineko kontakizuna, 20:30etik aurrera.
"Gol Festa" berezia
Jon Elortzak gidatuta, Reala eta Algeciras taldeen arteko Errege Kopako norgehiagokaren laburpena eskainiko du "Gol Festa" saio bereziak 22:15etik aurrera ETB1en.