'Ga´Hoole, zaintzaileen kondaira' animazio filma, gaur, ETB1en

Ga'Hoole. zaintzaileen kondaira, fantasia eta animazioa batzen dituen filma gaur izango dugu ikusgai, 22:30ean, ETB1n. Annie sarietan lau izendapen izan zituen filmak, animazio efektu onenei dagokiena, besteak beste.

Soren izeneko hontz gazte abenturazale baten istorioa du ardatz pelikulak. Tyto basoan bizi da, eta asko gustatzen zaio aitak kontatzen dizkion 'Ga´Hooleko zaindari' izenekoei buruzko istorioak entzutea. Gerlariak dira, eta hontzak Puruak izeneko hontz maltzurren atzaparretatik babesten dituzte. Sorenek heroi horiek ezagutzeko nahia izango duen arren, Kludd anaia nagusiak burla egingo dio, ehiza egitea eta aitaren begiko bihurtzea beste nahirik ez du izango, eta anaia gogaituko du beti.

Gau batean, Soren eta Kludd zuhaitzen artean dabiltzala, jausi egingo dira. Ondoren, Tasmaniako deabru batek eraso egingo die eta, azkenik, Puruek harrapatuko dituzte. San Aegolius akademiara eramango dituzte bi anaiak bertan Puruentzat lan egiteko, baina Sorenek ez du han gelditu nahiko, eta beste hontz adoretsu batzuen laguntzarekin, ihes egingo du.

Hontz taldeak hainbat ozeano eta herrialde igaroko dute Zuhaitz Handia izenekoaren bila. Izan ere, Zuhaitz horretan bizi dira 'Ga´Hoole zaindari' delakoak, eta, euren laguntzarekin, Puruen aurka egingo dute Sorenek eta lagunek, hontzen lurralderako bakea lortzeko asmoz.

Ez galdu Ga'Hoole. zaintzaileen kondaira filma, gaur gauean, ETB1en.