Gaur, zuzenean
Titin III-Merino II / Urrutikoetxea-Beroiz, ETB1en eta eitb.com-en
A.A.
EiTB
Gaur arratsaldean, Eibarko jaialdia emango du ETB1ek arratsaldean. Horrez gain, Olazar Torneoko finalak eta aizkolarien binakako Eusko Label Saria ere egongo dira ikusgai.
Titin eta Merino
Gaur, pilota zuzenean ikusi ahal izango da ETB1en eta eitb.com-en arratsaldeko bostetan hasita. Eibarko Astelenako jaialdiaren zuzeneko kontakizuna egingo dute Xabier Euzkitzek, Joxan Tolosak eta Koldo Aldalurrek. Partida nagusia Binakako Txapelketakoa izango da, Titin III-Merino II / Urrutikoetxea-Beroiz. Aurretik, Julen Retegi-Cecilio / Aritz Lasa-Pascual neurketa jokatuko da eta ondoren Apezetxea-Rezusta / Gorka-Merino I.
Pilotaren aurretik, 16:00etan, herri kirolen tartea zabalduko dute, bezperan Asteasun jokatutako aizkolarien binakako Eusko Label Saria eskaintzeko. Juanan Legorburu izango da esataria, Joxe Etxebeste lagun duela.
Bestalde, eguerdiko 12etan, ETBKn, Zaldibarko Olazar Txapelketako finalak izango dira ikusgai, Koldo Aldalurren eta Enrike Agirrebeitiaren eskutik.