''60 minutos''
'Euskadi 2014', gaur, '60 minutos' saioan
Bilbo
2014a ekonomikoki nolakoa datorkigun aztertuko du Africa Baetak aurkeztuko duen saioak, ETB2n.
Africa Baeta
Gaur gauean ez galdu "60 minutos" saioa, Africa Baetaren eskutik, ETB2n eta eitb.com-en. Euskaldunok geure buruari egiten dizkiogun galderak izango dituzte aztergai: nolakoa izango da 2014a ekonomiari dagokionez? krisia gaindituko dugu? enplegua sortuko da? zein sektoretan ote dago etorkizuna? Galdera horiei erantzuna, "60 minutos" saioan.
Africa Baeta "Teleberri" albistegiaren aurkezleak eragin handiko 6 lagun elkarrizketatuko ditu. Abiatu berri dugun urtean zer gertatuko den aurreratuko dute gure gonbidatuek galdera horiei guztiei argi eta arin erantzunez.
Hauek izango ditu gonbidatu: Xabier Iturbe, Kutxabankeko presidenteordea; Joaquin Almunia, Europako Batzordeko presidenteorde eta Lehiakortasunerako Komisarioa; Ricardo Barkala, Enplegu eta Lan sailburuordea; Oskar Goitia, Mondragón Automoción enpresako presidenteordea; Guillermo Dorronsoro, IK-4ko presidenteorde exekutiboa; eta Jose Javier Arteche, Arteche Taldeko presidentea.
Banketxeak, enpresak, enplegua, Europa, kooperatibismoa, berrikuntza eta lehiakortasuna... Ekonomia berpizteko gehien interesatzen zaizkigun alorrak mintzagai izango ditugu "60 minutos" saioan.