Arrakasta sare sozialetan
'El Conquistador 10' indartsu hasi da Twitterren
Azken orduetan #conquisestreno traola joera izaten ari da tuiterlarien artean.
‘El Conquistador del Fin del Mundo 10’ atzo abiatu zen ETB2n eta arrakasta itzela izan zuen Twitterren. Azken orduetan #conquisestreno traola joera izaten ari da tuiterlarien artean.
Hiru ordutan 327 kontutatik aireratutako 344 tuiten ondorioz bihurtu zen joera #conquisestreno traola. Halaber, trendinaliak eskainitako datuek diotenez, litekeena da 93.487 lagunek ikusi izana #conquisestreno lehenengoz aipatu zenetik joera bilakatu arte.
Atzoko saioan Manu Maritxalar eta bere yacareen taldeak guaranien kanpamentuko arauak hautsi zituzten eta orandik ez dakite akats horrek ze ondorio ekarriko dizkien.
Bart gaueko estreinaldiko saioaren informazio guztia ikusgai dago jada EITB Nahieran atalean, lehenengo programa bera zein debate.
‘El Conquistador 10’ saioaren asteburu berezi honetan, ez ezazu galdu gaur estreinaldiko bigarren zatia, 22:00etan, ETB2n eta zuzenean eitb.com-en.