22:15ean
'Euskadi Movie' bereziak, gaur gauetik aurrera, ETB2n
A.E.
EiTB
Andoni Agirregomezkortak, Iker Galartzak, Javier Antonek, Maribel Salasek, Humberto Gutierrezek, Diego Perezek, Miriam Cabezak eta Asier Hormazak hartuko dute parte umorezko esketxetan.
Your browser doesn’t support HTML5 video
Umorea izango dugu nagusi berriro osteguneko ordutegi nagusian, ETB2n. Gaur gauean, 22:15ean, 'Euskadi Movie' saioaren atal berezia izango dugu ikusgai Pausokaren eta ETBren eskutik.
Gabon Zaharrean 'Vaya Semanita'ren taldeak landutako 'Euskadi Movie' bereziak izan zuen harrera onak bultzatuta, beste atal berezi batzuk prestatuko ditu ETBk. Egun-eguneko gaiak eta pertsonaiak izango dira saioaren funtsa, umorearen ildotik. Javier Garcia de Vicuñak zuzenduta, honako aktoreek hezurmamituko dituzte pertsonaiak: Andoni Agirregomezkorta, Iker Galartza, Javier Anton, Maribel Salas, Humberto Gutierrez, Diego Perez, Miriam Cabeza eta Asier Hormaza. Pertsonaia berriak izango dira batzuk; beste batzuk, berriz, lehendik ere ezagun egin dituzten pertsonaiak izango dira.
Gaurko saioa bete-beteta dator. Egun-eguneko pertsonaiak izango ditu protagonista. Mariano Rajoy presidenteak, esate baterako, 'Cifras y Letras' saioan oinarritutako lehiaketa aurkeztuko du. Lehiaketak, jakina, aldaketa berezi batzuk izango ditu. Eliza katolikoko agintariek, bestalde, exorzista bat beharko dute aita santuaren barruan dagoen etsaia ateratzeko.
Bestalde, Euskadi eta Valladolideko familia baten jaunartzea iskanbila eta zalaparta handiz amaituko da, eta Bar-Cenas modako taberna ere ezagutuko dugu.
Halaber, hainbat sorpresa izango ditu saioak, besteak beste, Klaudio Landaren parte hartzea.
'Euskadi Movie' ETB2n izango da ikusgai, 22:15ean.