Gaur
Laboral Kutxa-Efes Istanbul, zuzenean, ETB1en eta eitb.com-en
A.A.
EiTB
Ondoren, Binakako Txapelketako pilota jaialdia izango dugu, Irujo-Barriola eta Urrutikoetxea-Beroiz bikoteen arteko partidarekin.
Laboral Kutxa
Saskibaloi eta pilota emanaldiak egingo dituzte ETB1ek eta eitb.com-ek gaur. Euroligako Top 16ko bosgarren jardunaldiari dagokion neurketa jokatuko du Laboral Kutxak Efes Istanbul taldearen aurka. Xabier de la Fuentek, Josean Aldalurrek eta Jokin Etxebarriak zuzeneko kontakizuna egingo dute Buesa Arenatik, 20:45etik aurrera.
Jarraian, Irungo Urantzu pilotalekuko pilota jaialdia izango da ikusgai. Saralegi-Mendizabal II eta Olaetxea-Apraiz bikoteak izango dira nor baino nor gehiago atariko partidan. Ondoren, Binakako Txapelketako zazpigarren jardunaldiko lehen neurketa jokatuko da: Irujo eta Barriola, Urrutikoetxea eta Beroizen aurka. Xabier Euzkitzek, Joxan Tolosak eta Koldo Aldalurrek egingo dituzte esatari lanak.