EiTBn
Sestao-Athletic B eta Fusto-Ibargarai, zuzenean, gaur
A.A.
EiTB
Bigarren B Mailako partida eta Munduko Pala Txapelketako finala.
Zuzeneko emanaldi bana eskainiko dute ETB1ek eta ETBK Sat-ek gaur, arratsaldeko bostetan. Bigarren B Mailako futbolari tartea eginez, Sestao eta Athletic B taldeen arteko norgehiagoka emango du ETB1ek; ETBKn, berriz, Munduko Pala Txapelketako finala, Fusto-Ibargarai.
Xabier Andueza, Juanan Larrañaga eta Joseba Urkiola izango dira berriemaile zuzenean Sestaotik, eta Iñigo Aiestaran eta Iñaki Oiartzabal Bilbotik. Bi emankizunak internet bidez ere jarraitu ahal izango dira.
Bestalde, ETBK Sat-ek eta eitb.com-ek saskibaloiko Errege Kopako finalerdia eskainiko dute 21:30etik aurrera. Caja Laboralek jokatzen badu, neurketa ETB1en emango da.
Ohi denez, Jon Elortzak futbol jardunaldiaren errepasoa egingo du 'Gol Festa' saioan, 21:00etan, ETB1en.