Gaur
Jose Luis Lizundia euskaltzain ohiari elkarrizketa, ETBn
A.A.
EiTB
'Entrada Libre' saioan Korrontzi taldeko kideekin izango dira.
Estepan Aldamiz-Etxeberria eta Olaia Urtiaga
Jose Luis Lizundia euskaltzain ohia hartuko dute gonbidatu gaur ETBko goizeko albistegietan. Lau hamarkadaz Euskaltzaindian lanean jardun ostean, iazko udan hartu zuen erretiroa Lizundiak, eta egun, euskaltzain emeritua da.
Egindako ibilbide luze eta oparoaren errepasoa egiteko beta hartuko dute Estepan Aldamiz-Etxebarriak 'Egun On Euskadi'n eta Olaia Urtiagak 'ETB Hoy'n egingo dioten elkarrizketan. Euskaltzaindiaren eta oro har, euskararen egoeraz ere galdetuko diote.
ETB1eko albistegian, eguneko albisteen kontakizuna ere egingo dute, eta hausnarketarako tartea zabalduko dute Ludger Mees, Iker Bizkarguenaga eta Garbiñe Biurrun solaskideekin.
Korrontzi taldea 'Entrada Libre'n
Korrontzi taldeko Agus Barandiaranekin eta Ander Hurtadorekin izango da Vanessa Sanchez 'Entrada Libre' saioan, euren azken lanaz, Tradition 2.1, hizketan.