Audientzia
'ETB Hoy'k errekorra, 135.000 ikus-entzuleko audientzia metatuarekin
A.E.
EiTB
'Euskal Herria Zuzenean' saioak, halaber, bere emaitzarik onena lortu zuen euskaldunen artean % 8,4ko audientzia zatiarekin.
'ETB Hoy' goizeko albistegiak, atzo, otsailaren 13an, audientzia eta ikus-entzule errekorra eskuratu zituen. 'ETB Hoy'k Jose Luis Lizundia euskaltzain emerituari Olaia Urtiagak egindako elkarrizketa eta Silvia Intxaurrondok Miramondik aurkezten duen solas-mahaia eskaini zituen. Saioak % 7,4ko kuota eta 135.000 laguneko audientzia metatua izan zituen EAEn eta eragin esparruan.
'Euskal Herria Zuzenean' % 8,4ko audientzia
Halaber, 'Euskal Herria Zuzenean' ETB1eko saioak inoizko daturik onena eskuratu zuen atzo. Euskaldunen artean % 8,4ko audientzia zatia izan zuen, eta uneren batean 55.000 ikus-entzulek egin zuten bat saioarekin. Besteak beste, honako gaiak jorratu zituzten: Erromo auzoko kultur etxeko polemika, Bilboko San Adrian auzoan kiskalitako bi kotxeak, Zugarramurdi eta Alex de la Iglesiaren filmaren arrakasta, eta etxebizitzen trukea oporraldietan.