Gaur
Unai Sordo gonbidatu, 'Egun On Euskadi'n eta 'ETB Hoy'n
A.A.
EiTB
'Entrada Libre' saioan Daniel Zulaika elkarrizketatuko dute.
Unai Sordo (CCOO)
Unai Sordo Euskadiko CCOO sindikatuko idazkari nagusia hartuko dute gaur 'Egun On Euskadi' (ETB1, 08:00) eta 'ETB Hoy' (ETB2, 11:45) saioetako elkarrizketaren tartean. Negoziazio kolektiboa berritzeko proposamen berriaz, Urkulluren lana sustatzeko planari buruz eta iganderako deitu duten manifestazioaren arrazoiengatik galdetuko diote Sordori.
ETB1eko albistegiko solas-mahaian, Mikel Arana, Felix Iriarte eta Esteban Antxustegi izango ditu lagun Estepan Aldamiz-Etxebarriak. ETB2n, Olaia Urtiagak Sordori egingo dion elkarrizketaren ostean, Silvia Intxaurrondok gidatutako hausnarketarako tartea zabalduko dute.
Daniel Zulaika, 'Entrada Libre' saioan
Daniel Zulaika medikuarekin hitz egiteko aukera izango du Vanessa Sanchezek 'Entrada Libre' saioan. Zulaika Euskal Autonomia Erkidegoko Hiesaren Prebentzio eta Kontrolerako Planaren koordinatzailea da, eta gaitz horren kontra egindako lana aitortu zion Donostiak Udalak joan den urtarrilean, Hiritar Merezimenduen Domina emanez. Orain arte egindako lanaz eta aurrera begira dituzten erronkei buruz mintzatuko dira 11:15etik aurrera ETB2n.