Elkarrizketak
Laura Mintegi gonbidatu, gaur 'Egun On Euskadi'n eta 'ETB Hoy'n
A.H.
EITB
EH Bilduren Legebiltzarreko bozeramailea ETBn izango da bihar. Horrez gain, Silvia Intxaurrondok Arantza Quiroga elkarrizketatuko du ETB2n.
Asteazken honetan, Laura Mintegi EH Bilduren Legebiltzarreko bozeramailea hartuko dute gonbidatu 'Egun On Euskadi' eta 'ETB Hoy' albistegietan. ETB1en, Estepan Aldamiz-Etxebarriak egingo dio elkarrizketa eta horrez gain, Roberto Uriarte, Duñike Agirrezabalaga eta Esteban Antxustegi izango ditu solaskide, goizeko 08:00etatik aurrera. ETB2n, egun-eguneko gai politikoen inguruan galdetuko dio Olaia Urtiagak 11:45etik aurrera,
Horrez gain, Silvia Intxaurrondok Arantza Quiroga Euskadiko PPko presidentea elkarrizketatuko du ETB2ko 'ETB Hoy' analisi eta solasaldirako tartean, 13:45ak aldera. Eusko Legebiltzarrean, Euskadiren Estatus politiko berriaren inguruan egingo den saioaren bezperan, egungo egoera politikoaz arituko da Quiroga, eta horrez gain, bere lantalde berriaz ere hitz egingo du.
Elsa Punset, 'Entrada Libre'n
Elsa Punset idazle eta dibulgatzaileak bere azkeneko argitalpena, El mundo en tus manos, aurkeztuzko du 'Entrada Libre' elkarrizketa saioan 11:15etik aurrera.