Euskal Telebistak %13,6ko audientzia zatia lortu du hiruhileko honetan

Euskal Telebistak %13,6ko audientzia zatiarekin itxi du urteko lehenengo hiruhilekoa, joan zen urteko epe berean lortu zuen emaitza gaindituz. ETB2 Euskadiko bigarren katerik ikusiena izan da 2014ean, eta %10eko audientzia zatia lortu du hiruhileko honetan. ETB1ek, bestalde, %2ko audientzia izan du, ETB3k %0,8 eta ETBK Sat-ek ere datu bera, %0,8.

Horrez gain, Euskal Telebistako albistegiek euren nagusitasuna indartu dute. 'Teleberri' albistegirik ikusiena izan da Euskadin, eta %18ko audientzia zatia lortu du lehenengo hiruhilekoan. Bataz beste, 141.000 ikus-entzulek jarraitu dute 'Teleberri' egunero, eta 255.000 ikus-entzuleko audientzia metatua lortu du Euskadin eta eragin eremuan.

Urte honetako estreinaldien artean, 'El Conquistador del Fin del Mundo' realityaren hamargarren edizioaren arrakasta nabarmendu behar da. Izan ere, 461.000 ikus-entzuleko audientzia metatua lortu du saioak asteburuan. Horrez gain, igandeko ordutegi nagusian audientzia buru izateari eutsi dio: pelikularen emanaldiak %19,1eko audientzia zatia izan du eta ondorengo debateak %20,5.

Bestalde, Pedro Mari Goikoetxeak ETB1en aurkezten duen '6 Argazkitan' elkarrizketa saioak harrera oso ona lortu du. Ikus-entzule euskaldunen artean, %4,7ko audientzia zatia bereganatu du eta 99.000 ikus-entzuleko audientzia metatuarekin itxi du hiruhilekoa. Xabier Amuriza bertsolariaren bizitza errepasatu zuen saioak izan zuen arrakastarik handiena: %6,9ko audientzia zatia lortu zuen euskaldunen artean, eta 129.000 ikus-entzuleko audientzia metatua.