Gaur arratsaldean
Xala-Zubieta vs Irujo-Barriola, bi-bitako finalerdia, zuzenean
A.E.
EiTB
Realaren Nazioarteko Torneoko finala eta Bilbao Basket-Ucam Murtzia partida ere zuzenean emango ditu EiTB taldeak gaur.
Gaur arratsaldean Bizkaia pilotalekuan jokatuko den pilotako Bi-Bitako Txapelketako finalerdia zuzenean izango da ikusgai ETB1en eta eitb.com-en. Xala-Zubieta eta Irujo-Barriola izango dira nor baino nor gehiago, finalerako txartelaren bila. Aurretik, Aritz Lasa-Pascual eta Jaunarena-Tolosa partida eskainiko da. 19:30ean, ETBKra pasako da emanaldia, eta kontakizuna Xabier Euzkitzek, Joxan Tolosak eta Elena Azpeitiak egingo dute.
Goizean, 10:45ean, Zubietako futbol zelaiarekin bat egingo du ETB1ek, Realaren Nazioarteko Torneoko finala eskaintzeko. Xabier Andueza eta Juanan Larrañaga izango dira esatariak.
Iluntzean, 20:30ean, saskibaloiko Endesa Ligako emanaldia izango da ETB1en. Bilbao Basket eta Ucam Murtzia taldeen arteko neurketaren berri emango dute zuzenean Asier Arangurenek, Josean Aldalurrek eta Jokin Etxebarriak.
Futbola eta saskibaloia zuzenean jarraitu ahal izango dira eitb.com bidez ere.
Amaitzeko, 16:30ean, Laudioko idi proben sariaren laburpena egingo du Koldo Aldalurrek ETB1en.
ETBKn Euroliga
Horrez gainera, ETBKn, Euroligako playoffetako 3. partida eskainiko da Olympiacos eta Real Madrilen artean, 20:30ean.