'Itxuroso' saio berria
Itxura aldatu nahi duzu? Bidali zure argazkia ETB1eko saio berrira!
Laster ETB1ek "Itxuroso" saioa estreinatuko du. Programaren helburua jendearen itxura aldatzea izango da. Parte hartu nahi baduzu, bidali zure datu eta argazkiak itxuroso@eitb.com helbidera.
Your browser doesn’t support HTML5 video
Itxura aldatu eta irudi berri bat hartzera ausartzen den adin guztietako jendea behar dute ETB1eko saio berrian. Estilismo eta irudi profesionalen eskuetan jarriko dira parte hartzaileak, eta moda eta joera kontuetan jantziak diren espezialistak izango dira look aldaketa proposatuko dutenak.
Zure itxura aldatu eta irudi berri on bat nahi baduzu, zatoz!
Zure familiako edo lagunen baten itxurak aldaketa bat behar duela uste baduzu, etorri eta jarri programako profesionalen eskuetan!
Jai, lana lortzeko elkarrizketa edo konpromiso garrantzitsu bat baduzu, eta laguntza behar baduzu itxura egoki bat topatzeko, zatoz!
Beti irudi berdintsua izan baduzu eta aldatzeko gogoz bazabiltza, zatoz!
Zure itxurari orain arte garrantzirik eman ez badiozu, baina look egoki bat hartzeko une egokia dela uste baduzu, zatoz!
ETB1eko saio berrian, horiek guztiek izango dute lekua.
Parte hartu nahi baduzu, bidali zure datuak eta argazkiak itxuroso@eitb.com helbidera. Argazkiak oraingoak izan behar dira; bata aurpegia erakutsiz eta bestea gorputz osokoa.
Animatu eta jarri profesionalen eskuetan! Zatoz itxura aldatzera!