22:15ean
Vin Diesel eta Samuel L. Jackson 'xXx' filmean, gaur gauean, ETB2n
Vin Diesel protagonista duen pelikula honek Xander "XXX" Cage agente sekretuaren istorioa kontatuko digu, heriotzari eta legeari aurre egiten dien agentearena.
Rob Cohenek 2002an zuzendu zuen xXx erritmo biziko akziozko filma eskainiko du ETB2k, gaur gauean. Vin Diesel eta Samuel L. Jackson aktoreak dira pelikularen protagonista nagusiak.
Xander Cage (Vin Diesel) arrisku eta muturreko abenturazko kirolak maite dituen gaizkilea da, baina justiziari desafio egin eta kartzelatik libratzea lortu du beti. Oraingoan, Gibbons agenteak (Samuel L. Jackson) erreklutatu egingo du, aske uztearen truke, eta aurrerantzean AEBko Gobernuarekin arituko da agente sekretu gisa lanean, "xXx" ezizenarekin. Anarquía 99 izeneko errusiar talde arriskutsuan infiltratu beharko du. Jorgi (Marton Csokas) eta bere neska-laguna, Jelena (Asia Argento), dira arma nuklearren trafikoan aritzen den talde honetako liderrak.
Gaur gauean, ez galdu xXx, akzioz betetako filma. Hitzordua, 22:15ean, ETB2n.