Gaur goizean
Josu Erkorekari elkarrizketa, 'Egun On Euskadi'n eta 'ETB Hoy'n
A.H.
EITB
Egun-eguneko gai politikoak aztertuko ditu Eusko Jaurlaritzako bozeramaileak.
Josu Erkoreka Eusko Jaurlaritzako bozeramaileari elkarrizketa egingo diote gaur 'Egun On Euskadi' eta 'ETB Hoy' albistegietan. Gonbidatuak egun-eguneko gai politikoak aztertuko ditu, Europako hauteskundeen kanpainaren atarian.
ETB1en Estepan Aldamiz-Etxebarriak egingo dio elkarrizketa, eta, horrez gain, Niko Moreno, Oskar Rodriguez eta Jaime Tapia kolaboratzaileak izango dira saioan, 08:00etatik aurrera.
ETB2n, Olaia Urtiagaren galderei erantzungo dizkie Josu Erkorekak 11:45ean, eta, ondoren, Silvia Intxaurrondok gidatzen duen hausnarketa eta solasaldirako tartean, eguneko albiste nabarmenenak aztertuko dituzte.
Javier Urra psikologoarekin, 'Entrada Libre'n
Vanessa Sanchezek, berriz, Javier Urra psikologoa elkarrizketatuko du 'Entrada Libre' saioan. Hitzorduan zehar, psikohigieneaz arituko dira, geure burua eta gure ingurukoena zaintzearen garrantziaz.